Gaur egun, oraindik frontoi hau ikusteko
eta bertan jokatzeko aukera dago, Berueteko plazako ostatuko arkupean dago eta
oraindik ostatua txoko bezala erabiltzen denez frontoia erabilgarria da.
Horregatik, frontoiari eta ostatuari argazkiak egiteko aukera izan dugu.
Frontoi honetan, oraingo frontoietan
bezala esker hormaz aritzen zen. Baina baita ere eskumako pareta eta zutabeak
baditu eta partidua interesgarriagoa izan daiteke. Ikusten dugun bezala,
frontoi hau oso txikia da, sabaiak altuera gutxi dauka, ez dakigu zehazki
zenbat baina bakarrik esan dezakegu konprobatua dagoenez 1,80ko altuera duen
pertsona batek salto batekin ukitu dezakeela(3metro gutxi gorabehera).
Frontoiak luzerari dagokionez, 5 zenbakiraino heltzen da baina sabaiak altuera
gutxi duenez pilota gehienbat zuzen joan behar da eta ez parabola eginez zeren
eta oso erraz sabaia jotzen du eta horregatik atzeraino ez da heltzen.
Elkarrizketan esan diguten bezala,
larunbata arratsaldeetan eta igandeetan meza ondorengo bermutean jokatzen zen
eta ikusleak ostatuko zutabe ondoetan jartzen ziren partidua ikusteko. Zutabe
hauen artean ez da ikusle asko sartzen eta bermutean jende asko egoten zenez
denek ez zuten partidua ikusten eta holako txandakatze moduko bat egiten zen
denek partidua ikusteko aukera edukitzeko.
Egiturari dagokionez, argazkietan ikusi
daitekeen bezalaxe, frontoi txiki honek, ezkerreko pareta luzea, eskumako
pareta oso txiki bat, zutabeak eskuinaldean, errebotean lehiotxo bat etafrontisa eta sabaia oso altuera gutxikoa duenaz osatua dago. Sabaia oso
baxua denez, aurreko koadroetan jokatzen da eta oso tanto biziak eta arinak
izaten dira. Tantorik ikusgarrienak 1, 2 eta 3 koadroen artean egiten ziren, 3
paretak, ostatuko atera bota, zutabea jo… eta tanto ezberdinak egiteko aukerak
daude, joko ekintzen atalean hobeto ulertuko duzue bideo eta azalpen txiki
batekin.
iruzkinik ez:
Argitaratu iruzkina